ललितपुर ,४ असार । ललितपुर उपमहानगरपालिकामा रक्त संचार केन्द्र स्थापना भएको छ । रेडक्रस, हार्ट फाउन्डेसन र नेपाल रोटरीले संयुक्त रुपमा जाउलाखेलमा उक्त केन्द्रको स्थापना गरेको हो ।

उपप्रधानमन्त्री प्रकाशमान सिंहले बुधबार केन्द्रको उद्‌घाटन गरेका छन् । केन्द्र स्थापनाका लागि दक्षिण कोरियास्थित रोटरी क्लवले १ लाख ९२ हजार डलर बराबरको उपकरण दिएको छ । ‘ब्लड बैंक’ सुविधा सम्पन्न हुने छ ।

उदघाटन कार्यक्रममा सिंहले सामाजिक संघ संस्थाहरुले मुलुकमा पुर्याएको योगदानको प्रशंसा गरेका छन् । उनले राज्य एक्लैले चाहेर मुलुकमा जअपेक्षा अनुरुपको काम हुन नसक्ने भन्दै त्यसका लागि सामाजिक संघ संस्था र सबैको सहयोग अपरिहार्य रहेको बताए ।  उनले मुलुकमा जारी संक्रमणकालको अन्त्यपछि मात्र विकासले गति लिन सक्ने उल्लेख गरे ।