काठमाडौं । अन्तर्राष्ट्रिय नेपाली साहित्य समाजका केन्द्रीय वरिष्ठ उपाध्यक्ष एंव अनेसास नेपाल च्याप्टरका अध्यक्ष राधेश्याम लेकालीको अनामनगर स्थित घरमा अज्ञात समुहले ढुङ्गा प्रहार गरेका छन् । साहित्यिक पत्रकार संघ विशेष कार्य समितिका अध्यक्ष एवं नेपाल केवल टेलिभिजन महासंघका कार्यकारी निर्देशक समेत रहेका साहित्यकार लेकालीको घरमा आज विहान ५ः१५ बजे अज्ञात समुहले ढुङ्गा प्रहार गरेका हुन् ।

यसरी ढुङ्गा प्रहार गर्दा झ्यालको सिसा फुटेको छ । लेकालीको घरमा गरिएको ढुङ्गा प्रहार सुनियोजित षड्यन्त्र रहेको बताइएको छ । यस प्रकारको कायरपूर्ण प्रहारले लेकालीलाई चेतावनी दिएको पनि अनुमान गरिएको छ ।

यस्तो घटनाको सत्यतथ्य छानविन गरी यथार्थ जानकारी गराउनु तथा दोषीलाई कारवाही गर्न आवश्यक रहेको लेकालीले बताए । यस घटनाप्रति विभिन्न संघसंस्था एवं साहित्यकारहरूले दुःख व्यक्त गरेका छन् ।