ओठ फुटेर हैरान हुनुहुन्छ ? यसो गर्नुहोस् (टिप्स)
ओठ सुन्दरताको प्रतीक हो । अझ युवतीहरुका लागि त यो बरदान नै मानिन्छ । जो कसैको नजर पनि सुरुमै मुहारमा पर्ने र त्यसमा पनि ओठ झट्टै देखिने भएकाले पनि यसलाई जतिसक्दो हेरचाह गर्ने गर्नुपर्छ ।
धेरैलाई ओठ फुट्ने समस्याले पिरोलेको हुन्छ । यदि तपाईलाई पनि यस्तो समस्या छन् भने यो सामग्री खुराक बन्न सक्छ ।
१. दैनिक करिब ८ गिलास पानी पिउने गर्नुहोस् ।
२. ओठमा कैयौं निर्जीव वा मरेका सेलहरु जमेका हुन्छन् । बेला बेलामा मुलायम र गुणस्तरीय टुथ ब्रसले ओठ सफा गर्ने गर्नुहोस् ।
जैतूनको तेल (ओलिभ आयल) र चिनीको पेस्ट बनाएर ओठमा लगाउनाले पनि ओठ फुट्ने समस्या समाधान हुनसक्छ ।
३. यदी तपाईं लिपिस्टिक लगाउनुहुन्छ भने लिपिस्टिक लगाउनुभन्दा पहिले मोइस्चाराइजर अनिवार्य प्रयोग गर्ने गर्नुहोस् ।
४. तपाईंको ओठले लिप बाम सहँदैन भने ओठमा नरिवल, जैतून अथवा बदामको तेल लगाउनुहोस् । रातमा सुत्ने बेलामा लगाएर सुत्दा उपयुक्त हुनसक्छ ।
५. यदी तपाईं ओठ चपाउने वा टोक्ने गर्नुहुन्छ भने यस्तो बानी तत्काल छाड्नुहोस् ।
राष्ट्रिय खबर
प्रतिक्रिया