बक्सअफिसमा ‘बाजिराव मस्तानी’ सफलतातिर लम्कँदै छ । यता फिल्म रिलिज भइरहँदा प्रियंका चोपडाले मुख्य भूमिका निभाएको अर्को फिल्म ‘जय गंगाजल’ को ट्रेलर रिलिज भएको छ ।

अमेरिकी टिभि श्रृंखला ‘क्वान्टिको’ बाट हलिउडमा समेत चर्चा बटुलेकी प्रियंकाले जय गंगाजलको ट्रेलर सार्वजनिक समारोहमा विगतका यादहरु स्मरण गरिन् ।

उनी भर्खर फिल्म खेल्न सुरु गर्दाको समय थियो त्यो ।
‘अन्जाना अन्जानी’ फिल्मबाट उनले बलिउडमा डेब्यु पाएकी थिइन् । सोही फिल्मको सुटिङ हुँदै गर्दा एक व्यक्ति आएर एक्कासी प्रियंकाको हात समाएछन् । खासमा उनी प्रियंकाका शुभचिन्तक थिए र प्रियंकासँग फोटो खिचाउन चाहन्थे ।

प्रियंका फ्यानसँग फोटो खिच्न त रुचाउँथिन् तर, कोही अञ्जान व्यक्तिले शरिरमा छोएको मन नपर्दो रहेछ । रिसको पारो उम्लेपछि प्रियंकाले ती व्यक्तिको सर्टको कलर समातेर गालामा झापड हानिछन् ।

त्यसपछि प्रियंकालाई डर लाग्यो र उनि सेटबाटै भागिन् ।