बलिउडकी चर्चित नायिका प्रियंका चोपडा बेलायतमा गरिएको एक वार्षिक सर्वेक्षणमा फेरी सबैभन्दा ‘सेक्सी’ एशियाली महिला बनेकी छन्। लण्डनको एक साप्ताहिक पत्रिकाले सेक्सी महिलाहरुको ५० ‘सेक्सी’ महिलाको सूचीमा उनी नम्बर १ बनेकी हुन्।

सामाजिक संजालबाट प्राप्त भोट संख्याको आधारमा उनले सो स्थान हासिल गर्न सफल रहिन्। सूचिमा सबैभन्दा माथि परेकोमा प्रतिक्रिया दिँदै प्रियंकाले आफू खुशी भएको प्रतिक्रिया दिएकी छन्।

उनले भनिन्, ‘ म तो उपाधी पाएर खुशी छु। मलाई भोट गर्ने प्रत्यक व्यक्ति प्रति म आबारी छु। मलाई कम्तीमा एक वर्षका लागि ‘सेक्सी’ मानेको मा इस्ट्रन आइलाई पनि धन्यवाद।’

मिस वल्ड हुँदै बलिउड छिरेकी प्रियंकाको चर्चा अमेरिकी टिभी शो ‘क्वान्टिको’मा अभिनय गरेपछि झनै बढेको छ। उनी सो सूचिको शीर्ष स्थानमा पछिल्ला चार वर्षमा तीन पटक परिसकेकी छन्।

एजेन्सी