ललितपुर ,१८ मङ्सिर ।  ललितपुरको च्यासलमा ६ वर्ष अघि ३ वर्षिया बालिका बलात्कार गरी हत्या गर्नेको सिआइबीले पहिचान गरी पक्राउ गरेको छ।

लामो अनुसन्धानपछि बलात्कारमा सम्लग्नलाई पक्राउ गर्न सिआइबी सफल भएको हो । घटनामा सम्लग्न च्यासलका सौगात ब्यन्जनकारलाई पक्राउ गरेको सिआइबीका एसपी दिवेश लोहनीले जानकारी दिए। घटनामा सम्लग्न अर्का सन्दीप ब्यन्जनकारको १ वर्ष अघि नै मृत्यु भएको प्रहरीले जनाएको छ। उनीहरुले २०६६ साल भदौं ८ गते ललितपुर ९ च्यासलमा ३ वर्षीया बालिकाको बलात्कार गरी हत्या गरेका थिए ।

बालिकाको आमा अन्यसँग विवाह गरेर गएको र बाबु ठेलागाडामा ब्यापार गर्न जाँदा घरमा एक्लै भएका बेला उनीहरुले नजिकैको मन्दिरको ट्वाइलेटमा लगेर बलात्कार गरेका थिए। बालिकालाई बिस्कुट लिएर उनीहरुले फकाएका थिए । बालिका चिच्चाएपछि सन्दीप भागेको र सौगातले बालिकाले नै लगाएको टिसर्टले घाँटीमा कसेर हत्या गरी शौचालयको प्यानमा कोचेर भागेका थिए।