न्यायाधीश मातृकाप्रसाद आचार्यको एकल इजलासले आक्रमणमा संलग्न अमन भनिने अर्जुन सुब्बा र विनायक मानन्धरलाई पाँच–पाँच वर्षको कैद फैसला गरेको अदालतका स्रेस्तेदार नवराज आचार्यले जानकारी दिनुभयो ।
पत्रकारद्वयमाथि आक्रमणमा संलग्न अनिस सुब्बालाई नाबालक रहेका कारण बालबालिकासम्बन्धी ऐन, २०४८ कोे दफा ११ (३) अनुसार बाल सुधार केन्द्र विराटनगरमा २ वर्ष ६ महिना राखेर कैद भुक्तान गर्नसमेत फैसला गरेको स्रेस्तेदार आचार्यले बताउनुभयो ।
विसं २०७१ कात्तिक २ गते विष्णुमाया गौतमको जाहेरीले जिल्ला अदालत झापामा दर्ता भएको उक्त मुद्दाका अभियुक्तहरुले अर्जुनधारा दैनिकमा कार्यरत पत्रकार रोदन र बराललाई कार्यालयको काम सम्पन्न गरेर घर फर्कने क्रममा बीच बाटोमा आक्रमण गरेर घाइते बनाएका थिए । रासस