सम्राट सिंह / बझाङ ,१६  मंसिर ।
बझाङ जिल्ला कारागार भित्रै एक जना कैदिले धार्मिक परम्परा अनुसार बिहे गरेका छन । माझिगाँउ गाविस १ घर भएका ३० बर्षिय भरत रावलले माझिगाँउ गाविस २ घर भएकी १९ बर्षिय पुजा थापासँग मंगलबार कारागार भित्रै बिवाह गरेको हो ।
रावल बिगत ९ बर्ष अगाडि देखि जबरजस्तीकरणी मुद्दामा जेल सजाय भोगी रहेका कैदी हुन । यसरी जिल्ला कारागार भित्रै कैदीले बिवाह गरेको यो पहिलो घटना हो । केटी पक्षबाट केटीका भाई र केटा पक्षबाट केटाका बुवा मोहन बहादुर रावल लगायतका छिमेकीहरु सदरमुकाम आएर विवाहको कार्यक्रम गरेका थिए ।
भरत लाई कारागार भित्र वाट आधा घण्टाको लागी बाहिर निकाले पछि दुलहिको शिरमा सिन्दुर हालेर औठी लगाए पछि ब्रामणले विवाह सम्पन्न भएको जानकारी दिएका थिए ।
विवाह भएपछि दुलाहाका बुवाले कारागारका कैदीहरु लाई फलफल र टिका भित्र अन्य कैदीहरुलाई पठाएका थिए । आधा घण्टाको वैवाहिक कार्यक्रम पछि भरत लाई कारागार भित्र पठाएको थियो भने दुलहि पुजा लाई बाहिर ल्याएको थियो । दुलही पुजाले दुलाहकै घरमा गएर काम गरेर खाने वताईन् । सिन्दुर हालेर बिहे सकेको जानकारी दिएपछि विछोड हुने भन्दै दुवैका आँखा रसाएका थिए ।
अगाडी देखी नै केटा र केटीको भेटघाट र फोन सम्पर्क भएको रहेछ दुलाहका बुवा मोहन रावलले भने छोराले फोन गरेर विवाह गरि दिनु प¥यो भन्यो छोराको इच्छा अनुसार नै बिहे गरी दिए । कारागार विभागको अनुमती अनुसार विवाह गरेको जेलर राजेन्द्र बोहराले वताए । कैदी भरत को कैद भुक्तानी अवधी अब दुई वर्ष मात्र बाँकी रहेको समेत उनले जानकारी दिए ।