गायिका, गीतकार तथा अभिनेत्री लेडी गागाले १९ वर्षकी हुँदा आफूमाथि बलात्कार भएको खुलासा गरेकी छिन् । २० वर्ष जेठा ‘म्युजिक प्रड्युसर’ले आफूलाई जबर्जस्ती गरेको गागाले एक रेडियो अन्तर्वार्तामा स्वीकारेकी हुन् ।

२८ वर्षिया गागाले भनेकी छिन्, ‘त्यो समस्याबाट बाहिर आउन मलाई शारीरिक तथा मानसिक थेरापी नै लिनुपरेको थियो ।’ तर, उनले यस विषयमा थप बोलिनन् । ‘अहिले म सबै कुरामा खुसी छु । यस विषयमा कुरा गर्न चाहन्नँ । राम्रा विषयमा कुरा गरौँ,’ अन्तर्वार्ताकारलाई उनको अनुरोध थियो ।

लेडी गागाले ती प्रड्युसरलाई त्यसपछि एकपटक देख्दा आफ्नो हातखुट्टा काँपेको बताइन् । उनले त्यतिवेला आफूलाई जानकारी नभएकाले यो घटनाबारे कसैलाई नभनेको पनि बताइन् ।

(नयाँ पत्रिका दैनिकबाट