काठमाडौं, १९ कार्तिक । नेपाल र भारत अन्तराष्ट्रिय फोरममा पहिलो पटकह टक्कराएका छन् । जेनेभामा भएको अन्तराष्ट्रिय मानवअधिकार सम्बन्धी कार्यक्रममा नेपालले भारतमाथी र भारतले नेपालमाथी निशाना साँधेका छन् ।
भारतले अन्तराष्ट्रिय कानुनको उलंघन गर्दै भूपरिवेष्ठित मुलुकले पाउने अधिकारमाथी हस्तक्षेप गरेर मानवताविरोधी कार्य गरेको नेपालका परराष्ट्रमन्त्री कमल थापाले कुरा उठाए लगतै भारतले युद्धकालिन मुद्दादेखि तराई आन्दोलनसम्मको कुरा उठाएको छ ।
जेनेभा कार्यक्रममा भारतले मधेसी जनताको अधिकारका लागि आन्दोलनमा उत्रेका जनतालाई सरकारले गोली ठोकेको बताएको छ । ‘द्धन्दकालका कुरा छोडौ भर्खर मात्र मधेस आन्दोलनमा ४५ जनाको ज्यान गएको छ, मर्नेमा अधिकाँस सर्वसाधरण छन् ।
भारत पहिलो पटक नेपालबिरुद्ध कडारुपमा अन्तराष्ट्रिय समुदायमा प्रस्तुत भएको छ । द्धन्दकालमा हत्या गरिएका निर्दाेष परिवारलाई राहत र दोषीलाई कारवाही गर्नुपर्ने जिकिर पनि भारतले गरेको छ । उसले नेपालको मानवअधिकारको अवस्था निकै नाजुक भएको झुट पनि अन्तराष्ट्रिय समुदायलाई दिएको छ ।
त्यसैगरी भारतले नेपालमाथी नाकाबन्दी नगरेको बताउँदै मधेस आन्दोलनकारीका कारण सवारी साधनहरु आवज जावत गर्न नसकेको बताएको छ । ‘नाकाबन्दी भएको होइन, नेपालको आन्तरिक कारणले समस्या आएको हो’ जेनेभा कार्यक्रममा भारतले भन्यो ‘भारतले कुनै नेपालमाथी अन्तराष्ट्रिय अपराध गरेको छैन, त्यो नेपालकै आन्तरिक समस्या हो ।’