बलिउड नायक रणवीर कपुर र नायिका दीपिका पादुकोणको जोडीलाई अहिले नयाँ साहरुख खान र काजोलको रुपमा चर्चा गर्न थालिएको छ । जसरी बलिउडमा साहरुख र काजोलको जोडी हिट छ त्यसरी नै दीपिका र रणवीरको जोडी हिट भैरहेकाले यो तुलना गर्न थालिएको हो ।
नायिका काजोलले यस बारेमा आफूले केही नभन्ने बताइसकेकी छिन् । उनले यो कुरा रणवीर र दीपिकालाई सोध्न आग्रह गरेकी थिइन् ।
चलचित्र ‘तमाशा’को पत्रकार सम्मेलनमा नायक रणवीर कपुरलाई यो प्रश्नको सामाना गर्नुपर्‍यो । लण्डनमा रहेका रणवीरले स्काइपबाट पत्रकारको प्रश्नको जवाफ दिएका थिए । उनले भने(‘मलाई लाग्दैन कि साहरुख र काजोलको जोडीको तुलना कसैले गर्न सक्छ ।’ उनले साहरुख र काजोलको जोडीको तुलना कसैसँग हुन नसक्ने स्पष्ट पारे ।
उनले आफूहरुलाई दर्शकले रणवीर र दीपिका नै भनेर सम्बोधन गरिदिए हुन्छ भनेका छन् ।