एउटा भनाई छ, युवतीहरुको रोजाईमा ‘ब्याड ब्वाई’ छवि प्राथमिकतामा पर्छ । जस्तोसुकै चुनौती मोल्न सक्ने युवाहरुसँग उनीहरु सम्बन्ध राख्न चाहने युवतीहरुको संख्या प्रशस्तै छ । नकारात्मक छवि भन्ने जान्दाजान्दै पनि सम्बन्ध राख्नेको संख्या पनि कम छैन । बलिउडमा पनि केही यस्ता अभिनेत्री छन्, जसको अन्डरवर्ल्ड डनहरुसँग प्रेम र विवाह हुन पुग्यो।
ममता कुलकर्णी: ममता कुनै समय हालै इन्डोनेसियाबाट पक्राउ परेका छोटा राजनकी प्रेमिका थिइन् । सन् १९९३ अघि दाउद इब्राहिमका सहयोगी रहेका छोटा राजनले नै ममतालाई बलिउडमा प्रवेश गराएका थिए । उनी केही समयमै बलिउडबाट हराइन् । त्यसपछि उनले लागुऔषध तस्कर विक्की उर्फ गोस्वामीसँग बिहे गरिन् । पछि गोस्वामी प्रहरीको फन्दामा परे । त्यतिबेला दाउदले नै गोस्वामीलाई पक्राउ गर्न लगाएको चर्चा चलेको थियो । किनकी छोटा राजन दाउदको कालो धन्दा सम्हाल्थे ।
मोनिका वेदी: मोनिका र डन अबु सेलमको प्रेम कैयौं वर्ष चलेको थियो । सेलमले नै मोनिकालाई बलिउडमा फिल्म दिलाउने गर्थे । लामो समय पोर्चुगलमा सँगै रहेका उनीहरुले पछि सम्बन्ध तोडे । केही समयअघि सेलमले बम्बईकि एक युवतीसँग रेलमै बिहे गरेको चर्चा चलेको थियो ।
सोना : पुरानो अभिनेत्री मधुबालाजस्तै अनुहार भएकाले सोनाले बलिउडमा ठाउँ पाएकी थिइन् । उनलाई धेरैले मधुबाला भन्नुबाहेक खासै चर्चित हुन नसकेकि सोना तब चर्चित भइन् जब ग्याङ्स्टार हाजी मस्तानसँग बिहे गरिन् ।
मन्दाकिनी: सन् १९८५ मा ‘राम तेरी गंगा मैली’ बाट चिनिएकी मन्दाकिनी कुनै समय दाउद इब्राहिमकी प्रेमिका कहलिन्थिन् । ‘जोरदार’ फिल्मपछि उनी बलिउडबाट सन्यास लिइन् । सन्यास लिनु दुई वर्षअघि दाउदसँग उनको सम्बन्ध जोडिएको थियो । अहिले मन्दाकिनी दलाई लामाको भक्त बनेर तिब्बतमा योगको कक्षा चलाउँछिन् ।
राष्ट्रिय खबर
प्रतिक्रिया