नेपाल सौन्दर्यतामा धनि रहेको भनाई हामीले बारम्बार सुन्दै आएका छौ । अरुलाई लोभ्याउने कयौं सम्पदाहरु हामिसँग रहेका छन । तर किन किन हामीले त्यसको प्रयोग गर्ने क्षेत्र र महत्व बुझेर काम नगर्नाले पर्यटको दृष्टिबाट अपार रहेको आम्दामी हात पार्न सकिरहेका छैनौं । यसैको परिणाम मान्नुपर्छ , हामी यस्तै हाम्रा कमि कमजोरीको अन्त्य गर्न नसक्दा विकसीत हुन नसकेका १ यहाँ एउटा अर्को पछि पर्न लागेको पर्यटकिय स्थानको कुरा गर्दै छु । पाल्पाको रानीमहलको नाम नसुन्ने मानिस सायदै होलान । ऐतिहासिक महत्व बोकेको यो महल र यस वरिपरिका संरचनाको निमार्ण तत्कालीन पश्चिम नेपालका सेनापति राणा खड्ग शमशेरले आफ्नी रानी तेजकुमारीको सम्झनामा विं सं १९५० देखि १९५४ मा ० गर्न लगाएका थिए ।कालीगण्डकी र बराङदी खोला किनारको ५३० मिटरको उचाइमा रहेको यो दरबार पाल्पाको बौघागुम्बा गाविस वडा २ मा पर्दछ । यहाँ पाश्चात्य शैलिको तीनतले दरबार, हावा घर, घोडा तबेला, सत्तल, पाले घर र मन्दिर छन् । यस दरबारमा भित्ताहरु निर्माण गर्न खड्ग शमशेर लेखिएको इँटाको प्रयोग गरिएको छ । यस दरबारको आँगनमा पोखरी छ । त्यस्तै पोखरी अगाडी शिव मन्दिर र कालीगण्डकीपट्टि हावा घर रहेको छ । हावा घर देखि उत्तर तिर बनेको पक्की सिढीले काली गण्डकीको पानी सम्म पुग्ने बाटो का साथै दृश्य अवलोकनमा सहजता थपिदिएको छ । रानिमहल काठमाडौबाट ३०६ कि।मि को दुरीमा अबस्थित छ । काठमाडौंको कलंकीबाट छुट्ने बसले ९ घण्टामा तानसेन बजार पुयाउछ । तानसेनबाट छुट्ने स्थानिय बसबाट पुन २ घण्टामा रानिमहल पुग्न सकिन्छ । तानसेनबाट प्रकृतिक अबलोकन गर्दै पदयात्रामा रानीमहल जानु अर्को उपयुक्त बाटो मानिन्छ । काठमाडौं र तानसेनको रानीमहलको यात्रा खासै टाढा होइन । साथमा यो त्यति महंगो पनि हैन । तानसेनमा पाइने पाल्पाली करुवालाई त नेपालकै प्रसिद्ध करुवा मानिन्छ ।त्यसबाहेक ढाकाको कपडाबाट बनेका नेपाली टोपी र ब्याग अनि पर्स, टाई, मजेत्रो, मोबाइल ब्याग आदिले झनै सोभा बढाएको पाइन्छ । यस दरबार क्षेत्रमा आन्तरिक पर्यटकहरु धार्मिक आकाङ्क्षका साथमा यस क्षेत्रमा आउने गरेका छन । पश्चिमी मलुकका पर्यटकहरु प्नि काली गण्डकीको आसपासमा जल यात्रा गर्ने क्रममा यस क्षेत्रमा आउने गरेको पाइन्छ । त्यस्तै भारत लगाएत अन्य एसीयाली देशका पर्यटकहरुको पनि यहाँ उपस्थिति रहने गरेको छ ।यस्तो एतिहासिक महत्व बोकेको पाल्पाको रानि महलमा पछिल्लो समयमा पुनर संरचनाको काम भने त्यति साह्रो भएको देखिदैन । यहाँ निर्माण गरिएका भौतिक संरचनाको पुन निर्माण हुन नसक्दा भत्कने अवस्थामा पुगेका छन । यहाँको विकासको सम्भाबना बोकेको एउटा क्षेत्र पर्यटन हो । सुनौली नाकाबाट भित्रने भारतिय र तानसेन बजारमा बढी केन्द्रित रहेका पर्यटकलाई गाउँ गाउँसम्म पुयाउन सके अझ यसको विकास र विस्तारमा सहयोग पुग्ने थियो । यहाँका स्थानिय बासिन्दा सरकारलेनै यहाँको पर्यटन विकासमा ध्यान नदिएको भनाई राख्छन । सरकारी तबरबाट पनि यसको विकासमा जोड दिइनु उतिकै आवश्यक हुन्छ नै । आन्तरिक, भारतिय र अन्य मुलुकका पर्यटकहरुलाई आकर्षित गरी यहाँको पुर्नसंरचनामा अझ बढी लाग्नु यहाँको प्रमुख आवश्यकता देखिन्छ । के सरकारको मात्रै कमजोरी हो त यहाँको विकास पछि पनुको कारण यो सोचनिय बिषय हुन सक्छ ।
businesssansar.com
प्रतिक्रिया