बलिउड अभिनेत्री विद्या वालनले भारतीय राष्ट्रपति प्रणव मुखर्जीलाई पत्र लेखेकी छिन् । भारतको पुणेस्थित टेलिभिजन इन्स्टिच्युट अफ इन्डियाका विद्यार्थी र यो निकायको समग्र व्यवस्थापन हेर्ने निकायका अध्यक्ष गजेन्द्र चौहानबीच विवाद भइरहेको बेला विद्यार्थीहरूको पक्ष लिएर विद्याले चिठी लेखेकी हुन् ।

इन्स्टिच्युटका विद्यार्थीले योग्यताका आधारमा भन्दा पनि भनसुन र प्रभावका आधारमा गजेन्द्रले अध्यक्ष पद पड्काएको आरोप लगाउँदै आएका छन् र उनलाई पदमुक्त गर्न दबाब दिने उद्देश्यले आन्दोलन गर्दै आएका छन् ।
विद्यार्थीहरूको यस्तो आन्दोलनमा ऐक्यबद्धता जनाउँदै विद्याले योग्यतालाई मापदण्ड बनाएर पुनः अध्यक्ष नियुक्त गरिनुपर्ने मागलाई बेवास्ता गरिएकाले राष्ट्रपतिले यो विषयमा हस्तक्षेप गर्नुपर्ने चिठीमा उल्लेख गरेकी छिन् । (एजेन्सीको सहयोगमा)