काठमाडौँ । बिहिबार  सम्पन्न टानको निर्वाचनमा चन्द्र रिजाल विजयी भएको छ ।  चन्द्र रिजालले ४११ मत र सागर पाण्डेले ३३२ मत प्राप्त गर्नुभएको छ ।
कोषाध्यक्षबाहेक रिजाल समुहको पूरै प्यानल नै जितेको छ । कोषाध्यक्षमा भने रिजाल समुहका प्रत्यासी सोनाम ग्याल्जेन शेर्पालाई हराउँदै सागर पाण्डे समुहका लिलाबल्लब दाहाल (काका) विजयी हुनुभएको छ ।
टान ३७औं वार्षिक साधारण सभासँगै होटल ह्यातमा सम्पन्न भएको निर्वाचनमा रिजालले मत ल्याएर विजयी हुनुभएको छ ।

दिउसो ३ बजेदेखि मतदान सुरु भएको थियो । जम्मा ७६२ मत खसेको थियो । मतदान सकिएपछि बेलुकी ८ बजेदेखि सुरुभएको मत गणना साढे १२ बजेसम्म जारी रहेको थियो । मत परिणामको औपचारिक घोषणा गर्न भने बाँकी नै छ ।