बिर्तामोड,२४ असोज  । यसै वर्ष स्थापना गरिएको  लक्ष्मी बहुउद्देश्यीय उत्कृष्ट सहकारी पत्रकारिता पुरस्कार २०७२ पहिलो पटक पत्रकार एकराज गिरीलाई प्रदान गरिएको छ ।

नेपाल पत्रकार महासंघ झापाका सचिव एवं पूर्वाञ्चल दैनिकका सम्पादक गिरीलाई ११ हजार ५ सय ५१ रुपैया नगद तथा सम्मान पत्रसहितको उक्त पुरस्कार आज शनिबार बिर्तामोडमा भएको संस्थाको १९ औं साधरणसभामा प्रदान गरिएको हो ।

रेडियो नेपालका लागि झापा संवाददाता समेत रहेका गिरीलाई कार्यक्रमका प्रमुख अतिथि जिल्ला सहकारी संघ झापाका अध्यक्ष हरिचरण बानियाले दोसल्ला ओढाइ उक्त पुरस्कार प्रदान गरेका थिए । कार्यक्रम संस्थाका अध्यक्ष चन्द्रकुमार राजभण्डारीको अध्यक्षतामा भएको थियो । गिरी १८ वर्षदेखि पत्रकारितामा क्रियाशील छन् । लक्ष्मी सहकारीले उत्कृष्ट पत्रकार र सहकारीको क्षेत्रमा कलम चलाउने पत्रकारलाई अब हरेक वर्ष पुरस्कृत गर्दै जाने संस्थाका सदस्य एवं पत्रकार महासंघका अध्यक्ष भीम नेम्वाङले जानकारी दिए ।

फोटो विनोद पाण्डे