काठमाडौँ ।

टान निर्वाचनको पूर्वसन्ध्याहमा चुनावी गतिविधिहरुलाई तिव्रता दिने क्रममा सागर पाण्डे  समूहले आज देखि घरदैलो कार्यक्रमलाई निरन्तरता दिएको छ । आसन्न निर्वाचनमा आफ्नो समूहलाई कसरी विजयी बनाउने भन्ने सम्बन्धमा भेलामा छलफल भईरहेको बताईएको छ । त्यसैगरी सोही समूहद्धारा  व्यवसायीहरुसँग साझ भेलासहित जलपान कार्यक्रम रहेको बताईएको छ ।

आयोजक कमिटिका संयोजक दिपक महतले आजको घरदैलो कार्यक्रम सोचेभन्दा प्रभावकारी भएको बताउँदै आफूहरुको समूह निर्वाचनको विजयको नजिक पुगेको बताउनुभयो । घरदैलो कार्यक्रम अन्र्तगत ठमेल क्षेत्र भित्र रेहेका व्यवसायिहरुका कार्यस्थलमा सहभागिता जनाउदै सागर पाण्डे लगायत उनका सहभागी उम्मेदवारहरु सहित ठुलो संख्यामा ब्यबसायीहरुको उपस्थित रहेको महतले जानकारी दिएका छन् ।