काठमाडौं  । टान निर्वाचन नजिकिँदै गर्दा अध्यक्षका प्रत्यासी सागर पाण्डे समूहले आफ्नो सक्रियता निकै बढाएको छ । शुक्रबार  साँझ राजधानीको नोर्वुलिंकमा राखिएको टान निर्वाचन सचिवालयमा भेटघाट सहित  डिनर कार्यक्रम आयोजना गरिएको थियो । बरिष्ठ पर्यटन व्यवसायी,टानका पूर्व अध्यक्षहरु र पत्रकारहरुको बाक्लो उपस्थितिमा  आफ्ना पक्षकाहरुले चुनाब जित्ने र सबै अनुभबी टिम भएकोले आफ्नो जित हुनेमा कसैले पनि शंका नगर्न अध्यक्षका प्रत्यासी सागर पाण्डेले बताएका थिए । साँझमा आयोजित कार्यक्रममा पाण्डे पक्षधर व्यवसायी अगुवाहरुले  चुनावी मैदानमा उमेद्वारी दिएका सबैको जित सुनिश्चित रहेकोले  सक्रियताका साथ अगाडी बढ्न हौसला प्रदान गरेका थिए  । 

कार्यक्रममा पर्यटनविद् दीपक महतलगायतले चुनावी रणनीति बारे सागर प्यानलकाले जित्नेमा २ महत नरहेकोले सबै पर्यटन व्यवसायीको अगुवानै अहिले सागर पाण्डे समूह भएकोले यो समुहले मात्र टानको नेत्रित्व लिन सक्ने भएको ब्यबसायीहरुलाई ढुक्क भएर भोट हाल्न आग्रह समेत गरेका थिए  ।

ट्रेकिङ एजेन्सीज एशोसियसन अफ नेपाल (टान) को ३७ औं साधारणसभामा पाण्डेको नेतृत्वमा १७ सदस्यीय प्यालन घोषणा संगै  व्यापक प्रचार प्रसारमा देखिएको  छ । टान निर्वाचन अशोज २८ गते हुँदैछ ।