काठमाडौँ ।   टान निर्वाचन २०१५ को सरगर्मी बढ्दै जाँदा राष्ट्रिय पर्यटन व्यवसायी संघ नेपाल (निट नेपाल)मा ठूलो संख्यामा प्रतिष्ठित पर्यटन व्यवसायीहरु प्रवेश गरेका छन् । आज असोज १० गते निट नेपालको आयोजनामा आफुसम्वद्ध टान सदस्यहरुको बृहद् भेला पकनाजोलको गोकर्ण हाउस रेस्टुरेन्टमा भइरहेको कार्यक्रममा उनीहरु निट नेपाल प्रवेश गरेका हुन् । गोपाल खरेल, पेम्बाग्याल्जे शेर्पा, अशोक केसी, चन्द्र बास्तोला, शिवहरि सापकोटा, जितेन्द्र झाँक्री, सुदामा कार्की, सुरेश भण्डारी, नवीन कार्की लगायतका पर्यटन व्यवसायी आजको कार्यक्रममा निट नेपाल प्रवेश गरेका छन् भने यसअघिका कार्यक्रमहरुमा मोहन लम्साललगायत दर्जनौं पर्यटन व्यवसायीहरु प्रवेश गरिसकेका छन् ।

नेपाली काँग्रेस केन्द्रीय सदस्य एवम पार्टी पयर्टन विभाग प्रमुख किशोरसिंह राठौरको प्रमुख आतिथ्यतामा निट नेपाल अध्यक्ष दीपक महतले ती पर्यटन व्यवसायीलाई टिका लगाउँदै खादा ओडाएर स्वागत गरेका थिए ।