बलिउड अभिनेत्री विपाशा बासु अब राजनीतिकर्मीको भूमिकामा देखिने भएकी छिन् ।

दिल्लीको राजनीति र त्यसको प्रभावबारे बन्न लागेको ‘वेब सिरिज’मा विपाशा देखिने भएकी हुन् । यसको निर्देशन रोहन सिप्पी र निर्माण इरोस नाओले गर्दै छन् ।

सूत्रको हवाला दिँदै भारतीय मिडियाले लेखेका छन्, ‘विपाशा शीर्ष राजनीतिक फिक्सरको भूमिकामा हुनेछिन् ।’ महिलाले रूप, यौवन र सौन्दर्यले राजनीतिमा पार्न सक्ने प्रभाव र सत्तासम्म उसले पुग्न चाल्ने कदमबारे सिरियल बन्ने खुलासा भएको छ ।

दिल्लीको राजनीतिक कथामा आधारित यो सिरियलमा विपाशा ‘फर्मल सुटपाइन्ट’मा देखिनेछिन् । उनका लागि विशेष ‘ड्रेस अर्डर’ भइसकेको निर्माता तथा निर्देशकले जनाइसकेका छन् ।
नयाँ पत्रिका दैनिकबाट