सिमरा ७ असोज । कर्फु लगाएर मध्यरातमा स्कर्टिङ गरिएको गाडीमा ढुंगा हान्न आन्दोलनरत पक्षले बारामा कलिला बालकलाई पैसा दिएर प्रयोग गर्ने गरेको पाइएको छ ।

ढुंगा हानिरहेको अवस्थामा बुधबार बिहान दुई बजे जितपुरस्थित काँटाबाट प्रहरीले तीनजना बालक पक्राउ गरेपछि पैसाको प्रलोभनमा देखाएर बालक प्रयो भइरहेको खुलासा भएको हो । पक्राउ परेका तीनजना बालकले आफूहरुलाई २० रुपैयाँ दिएर ढुंगा हान्न लगाएको बयान प्रहरीसमक्ष दिएका छन् ।
स्कर्टिङमा लस्करै आइरहेका गाडीमा साना बालकले ढुंगा हानिरहेको सूचना पाएपछि पुगेको इलाका प्रहरी कार्यालयको टोलीले तीनजना बालकलाई पक्राउ गरेको हो । आजको अन्नपूर्ण पोस्ट दैनिकमा खबर छ ।