राष्ट्रिय खबर
नुवाकोट,५ असोज । नुवाकोटको गाउँखर्कमा भूकम्पले भत्काएको घर पन्छाउने क्रममा च्यापिएर एक जनाको ज्यान गएको छ । अर्का एक जना घाइते भएका छन् ।
गाउँखर्क – ७ गोल्जाङमा १२ बैशाखको भूकम्पले भत्काएको आफ्नै घर सोमबार पन्छाउने क्रममा च्यापिएर ३० वर्षका सन्तमान तामाङको ज्यान गएको स्थानीय शिक्षक रञ्जित थापाले जानकारी दिनुभयो ।
घर भत्किँदा गम्भीर घाइते भएका सन्तवीरको राउतवेशी स्वास्थ्य केन्द्रमा उपचार गर्न ल्याउँदै गर्दा बाटामै मृत्यु भएको हो । घर भत्किँदा त्यहिँ ठाउँका सुकुवीर तामाङ गम्भीर घाइते हुनुभएको छ । घाइतेको स्थानीय स्वास्थ्य संस्थामा उपचार भइरहेको छ ।
प्रतिक्रिया