राष्ट्रिय खबरएजेन्सी ।अन्तर्राष्ट्रिय फुटबल महासंघ (फिफा)ले महासचिव जेरोमी भाल्केलाई अर्को सूचना जारी नभएसम्मका लागि हटाएको छ । ‘महासचिवलाई निरन्तर लागेको श्रृंखलाबद्द आरोपले सचेत बनाएको छ’, फिफाले जनाएको छ ।
अखबारका अनुसार ५४ वर्षीय भाल्केलाई विश्वकपको टिकटमा अंकित मूल्यभन्दा बढीमा बिक्री गरेको आरोप छ । सन् २००७ यता फिफामा रहेका यी फ्रान्सेलीले आरोप अस्वीकार गर्दै अतिरञ्जित गरिएको बताएका छन् ।
बृहत रुपमा भ्रष्टाचार भएको आरोपमा मे महिनामा स्वीस प्रहरीले ज्युरिचस्थित होटलबाट सात उच्च पदाधिकारीलाई पक्राउ गरेपछि विश्व फुटबलको सर्वोच्च संस्था फिफा विवादमा आएको थियो, आजको कान्तिपुर दैनिकमा खबर छ ।
प्रतिक्रिया