प्रविण अग्रवाल/रौतहट  २३ जेठ   ।
संचार क्षेत्रमा ग्राहकको पहुँच सम्म छुट्टै पहिचान बनाउन सफल भएको एनसेल मोबाईलले रौतहटको गौरमा अस्थाई कैम्पको आयोजना गरेको छ । दुई दिनको लागि लगाइएको उक्त कैम्पबाट पाँच सय भन्दा बढि ग्राहक लाभान्वीत भएको एनसेलका र्कोरपरेट संचार विज्ञ मिलन शर्माले बताएका छन् ।
जिल्लाको सदरमुकाम गौरबाट ४२ कि.मि.को दुरीमा रहेको चन्द्रनिगाहपुरमा एनसेल सेन्टर रहेकोले मध्यभाग र तल्लो भागका उपभोक्तलाई एनसेलको थप सेवा सुबिधा बारे जानकारी गराउने र सेवा सुबिधा प्रदान गर्ने उद्देश्यले सो कैम्पको आयोजना गरीएको विज्ञ शर्माले भने । रौतहटको तल्लो भागका उपभोक्ताको पिरमार्कालाई ध्यानमा राख्दै छिटै सदरमुकाम गौरमा एनसेल शांँपको स्थापना गरी उक्त शांँपबाट पनि एनसेलको प्रिपेड तथा पोस्टपेड सिम उपलब्ध गराईने उहाँले बताए । बुधवारदेखि लगाइएको उक्त कैम्पमा २ दिनमा ५० हजार बराबरको कारोबार भएको छ । सो कैम्पबाट ग्राहकलाई विभिन्न योजनाका पोस्टपेड सिम, एनसेल मोडम लगायत रिचार्ज कार्ड उपलब्ध गराइएको एनसेलका नारायणी प्रमुख अभय निधिले जानकारी गराएका छन् । उक्त कैम्पमा ग्राहकले एनसेलको ईन्डिभिजुअल र र्कोपेरेट सिम बढी रुचाएको र प्रिपेड सिम बजारमा जताततै उपलब्ध हुने गरेको तथा पोस्टपेड सिम एनसेल सेन्टरबाट मात्र प्राप्त हुने गरेकोले ग्राहकको मांग अनुसार उक्त कैम्पको आयोजना भएको र लक्ष्य अनुसार नै ग्राहकको उपस्थिति रहेको निधिको भनाई रहेको छ । गौर पछि सो कैम्प रौतहटको मध्यभागमा अवस्थित गरुडा बजारमा आयोजना हुने एनसेल सेन्टर च.पुरका प्रमुख सन्तोष गवाजुले बताएका छन् ।