नारायण रिजाल, बागलुङ २७ भाद्र । बागलुङ बाट वुर्तिवाङ बजार तिर जाँदै गरेको ना ४ ख ६३३८ नम्वरको यात्रुवाहक बस आईतबार भीङगिठे र बुर्तिवाङ गाविसको सीमानमा पर्ने भयाङ भन्ने ठाउँमा दुर्घटना भएको छ । दुर्घटनामा परी खुंगा ८ बर्ष १९ को सुमन जी.सि.को निधन भएको छ । बुर्तिबाङ प्राथमिक स्वास्थ्य केन्द्रमा उपचारको क्रममा जि.सी.को निधन भएको ईलाका प्रहरी कार्यालय बुर्तिबाङले जनाएको छ ।
विहान ९.३० बजेको समयमा दुर्घटनाहुँदा बसमा सवार तीन जना यात्रु घाईते भएका छन् । घाईतहरुमा गाडीका सह.चालक रुकुम हुकामका प्रकाश घर्तीमगर, भिमगिठे १ का यम बहादुर घर्तीमगर र ग्वालीचौर ५ की यममाया बोहोरा रहेका छन् ।
घाईतेको बुर्तिवाङ प्राथमिक स्वास्थ्य केन्दमा उपचार भैरहेको प्रहरीले जनाएको छ । बागलुङबाट बुर्तिबाङ तर्फ रात्री सेवाका यात्रुहरु लिएर आउँदै गरेको धवलागिरी यातायात व्यवसायी समितिको बस बिहान ब्रेक फेल भएर सडकमै पल्टिएको थियो ।