डडेल्धुरा, २२ भाद्र । साहुमहाजनबाट मुक्त भएको वर्षौं बितिसक्दा पनि मुक्त हलियाको अवस्था उस्तै रहेको छ । राष्ट्रिय मुक्त हलिया समाज महासङ्घ नेपालको चौथो राष्ट्रिय महाधिवेशन तथा सातौँ हलिया मुक्ति दिवसको अवसरमा सोमबार यहाँ आयोजित कार्यक्रमका सहभागीले सो गुनासो गरेका हुन् ।

मुक्तका बेला मालिकबाट बिना क्षतिपूर्ति मुक्त गर्ने काम जिल्ला प्रशासनले ग¥यो त्यही अहिले आएर खड्की रहेको मुक्त हलियाको भनाइ रहेको छ ।

सरकारले मुक्त गराउने कामबाहेक पुनःस्थापनाको कार्य कछुवाको गतिमा अगाडि बढाउँदा आफूहरु पीडामा रहेको र परिवारको मुखमा माडलाउने समस्या ज्यूका त्यू रहेको मुक्त परिवारले पीडा सुनाए । साथै आफूहरुको सरकारले चाँडो व्यवस्थापन गरिदिनु पर्ने उनीहरुको माग गरेका छन् ।

सरकारको तथ्याङ्कअनुसार १९ हजारभन्दा माथिको सङ्ख्यामा रहेका मुक्त हलियामध्ये ११ हजार २१९ जना प्रमाणीकरण भएका छन् । प्रमाणीकरणमध्येबाट पनि आठ हजार ९३७ जनाले मात्र परिचयपत्र पाएको राष्ट्रिय मुक्त हलिया समाज महासङ्घका अध्यक्ष मोहनलाल सार्कीले भन्नुभयो ।
हलियाको विषयमा सरकार गम्भीर रहेको र चाँडै बाँकी रहेका हलियालाई परिचयपत्र वितरण र पुनःस्थापनाको लागि सरकारले ठोस नीति र कार्ययोजना बनाएर अगाडि जाने प्रमुख जिल्ला अधिकारी पे्रमप्रसाद लुइँटेलले बताउनुभयो । रासस