सुशिल दाहाल / मलेसिया । नेपाल पर्यटनका लागि सुरक्षित गन्तव्य भएको सम्बन्धमा नेपाल अमेरिका पर्यटन पत्रकार संघका तर्फबाट महासचिव दिवस पोख्रेलले मलेसियन पत्रकारहरुलाई सकारात्मक समाचार संप्रेषण गरिदिन आग्रह गर्नुभएको छ ।
‘महाभूकम्पबाट नेपालमा भएको क्षतिलाई अन्तर्राष्ट्रिय समाचार माध्यमहरुले आवश्यकता भन्दा बढी अर्नगल प्रचार–प्रसार गरेको प्रति नेपाली पत्रकारहरु चिन्तत भएका छौ,’ महासचिव पोख्रेलले भने, ‘नेपालको ९० प्रतिशत गन्तव्य सुरक्षित छन्, यसका लागि मलेसियामा रहनु भएका पत्रकारहरुलाई नेपाल भ्रमण गरेर यथार्थ जानकारी लिइदिनुहुन हार्दिक अपिल गर्दछु ।’
माट्टा सम्मेलनमा पत्रकारहरुको उल्लेखनीय जमघट भएका बेला नेपाली पत्रकारले अन्तर्राष्ट्रिय सभा तथा सम्मेलनमा नेपाल सुरक्षित भएको समाचार सम्प्रेषण गर्न अनुरोध गरिएको पहिलो अवसर हुन सक्ने देखिन्छ ।