राष्ट्रिय खबर
काठमाडौँ ।
एसीसी यु– १९ प्रिमियर लिग क्रिकेट अन्तर्गत भएको खेलमा आज नेपालले साउदी अरेबियालाई ९ विकेटले पराजित गरेको छ ।
टस जितेर पहिले ब्याटिङ गरेको साउदी अरेबियाले नेपाललाई जितका लागि ५६ रनको लक्ष्य दिएको थियो । जवाफी ब्याटिङमा उत्रिएको नेपालले एक विकेटको क्षतिमा ९ ओभरमै जित हासिल गरेको हो ।
नेपालका लागि सुनिल धमलाले ३४ र राजु रिजालले १४ रन बनाए । शंकर राना ४ रन बनाएर बाहिरिएका थिए । यसअघि नेपालले कसिलो बलिङ गर्दै साउदी अरेबियालाई ५५ रन मै समेटेको थियो । नेपाल सामू साउदी अरेबिया ३३ ओभर दुई बलमै अल आउट भएको हो ।
प्रतिक्रिया