काठमाडौं, जेठ २२ गते । विश्व वातावरण दिवस २०७१ का अवसरमा नेपाल प्रहरी उच्च माध्यमिक विद्यालय साँगाका पूर्व विद्यार्थीहरुको संगठन एल्मुनाई एशोसियसनद्वारा आयोजित बृहद साइकल रयालीको प्रहरी महानिरीक्षक उपेन्द्रकान्त अर्यालले नेपाल पुलिस क्लव भृकुटीमण्डपमा आज आयोजित एक समारोहबीच रिबन काटी उदघाटन गर्नुभयो ।

उक्त रयाली उदघाटनका अवसरमा महानगरीय प्रहरी आयुक्तको कार्यालय रानीपोखरीका प्रहरी नायव महानिरीक्षक विश्वराजसिंह शाही लगायत बरिष्ठ प्रहरी अधिृकतहरुको समेत उपस्थिति रहेको थियो ।
विश्व साइकलयात्री फुर्तेम्बा शेर्पा लगायत एल्मुनाईका सदस्यहरुको उल्लेख्य सहभागिता रहेको उक्त रयाली काठमाडौं, भक्तपुर हुँदै उक्त बिद्यालयको प्राङगण साँगामा पुगी बिसर्जन भएको थियो ।
उक्त रयाली बिर्सजनका अवसरमा प्रहरी नायव महानिरीक्षक राजेन्द्र सिंह भण्डारीले सहभागि सदस्यहरुलाई प्रशंसापत्र वितरण गर्नुभयो ।