गौशाला : महोत्तरीको गौशाला नगरपालिका–७ स्थित नेपाल बैंक लिमिटेडमा कार्यरत चौकीदारले आपसी विवादमा गएराति आफ्नै सहकर्मीको गोली हानी हत्या गरेका प्रहरीले जनाएको छ ।

सुन्दरपुर–९ बस्ने ४४ वर्षीय चौकीदार महेश्वर झाको उननकै साथीले गोली हानी हत्या गरेको इलाका प्रहरी कार्यालय गौशालाका प्रहरी निरीक्षक मच्छेन्द्र केसीले बताए ।

बैंकका सुरक्षामा खटिएका सर्लाही सुदामा–६ बस्ने ४५ वर्षीय अजय सिंहले आफूसँगै सुरक्षा दिइरहेका साथी झामाथि गोली प्रहार गरेको निरीक्षक केसीले बताए ।

घटनापछि अभियुक्त सिंह फरार छन् । झाको शव परीक्षणका लागि जिल्ला अस्पताल जलेश्वरमा लगिएको छ । अभियुक्तको खोजी भइरहेको इलाका प्रहरी कार्यालय गौशालाले जनाएको छ । रासस