नारायण रिजाल

बागलुङ श्रावण २८ । जिल्लाको गल्कोट हटिया हुँदै बग्ने चुमवा खोलामा एक युवा मृत अवस्थामा फेला परेका छन । बुधवार साढे पाँच बजेको समयमा खोलामा माछा मार्न थापेको भूकमा एक जना युवक घोप्टो अवस्थामा फेला परेका हुन ।
मृतक युवा हटिया ८ भयँरखर्कका ३२ वर्षयी पदम नेपाली भएको प्रहरीले जनाएको छ । खोलामा भूक थापेका व्यक्ति माछा हेर्न गएको अवस्थामा नेपाली मृत अवस्थामा देखेका थिए ।
मृतक नेपाली घरबाट डोकामा लुगा राखेर धुन भनी खोला तिर गएको पारिबारिक श्रोतले बताएका छन् । नेपालीले अत्याधिक मदिरा सेवन गर्ने कुलत भएकोले सोही कारण चिप्लेर भूकमा परेको हुनसक्ने स्थानीयले अनुमान गरेका छन । प्रहरीले पनी निज चिप्लेर वा भूकमा माछा हेर्न खोज्दा भुकमा परेको हुन सक्ने अनुमान गरेको छ ।  नेपालीको परिवारमा दैनिकी चलाउन श्रोत जुटाउने उनी मात्र रहेकोले परिबारको समेत बिचल्ली हुने स्थानीयहरु बताउँछन ।
घटनाको बास्तविकताको लागि थप अनुसन्धान जारी रहेको ईलाका प्रहरी कार्यालय गल्कोटका प्रहरी सहायक निरीक्षक कमल चौलागाईले बताए ।
मृतकको परिवारको आर्थिक अवस्था दयनीय भएकोले स्थानीयले चन्दा उठाएर मृतकको शवलाई पोस्टमार्टमको लागी गल्कोट प्राथमिक स्वास्थ्य केन्द्र हरिचौर पुर्याएका छन ।