काठमाडौं । राजनीतिक दलका शिर्ष नेता दिल्ली दौडमा जुटेका बेला नेपाली चलचित्रकी अभिनेत्रीहरु अमेरिका दौडमा लागेका छन् । अभिनेत्री निशा अधिकारी अमेरिका पुगे लगतै अर्की अभिनेत्री रेखा थापा पनि अमेरिका पुगेकी छिन् । आफ्ना ब्वायफ्रेण्ड सुर्दशन गौतमलाई भेट्न पुगेकी रेखा फर्किन नपाउँदै नन्दिता केसी अमेरिका पुगेकी छिन् । उनी मात्र नभई चल्तीकी नायिका केकी अधिकारीको पनि मल्टीपल भिसा भइसकेको छ । उनी पनि १२ साउनमा अमेरिका जाने तयारीमा छन् ।
हुन त नेपाली अभिनेता अभिनेत्रीहरुको सपना नै अमेरिका पुग्नु हुने गरेको छ । तर पनि पछिल्लो समय राम्रै बजार लिएकी अभिनेत्रीहरु पनि अमेरिका पुग्न थालेका छन् । अभिनेत्री युना उप्रेति र रंजना शर्मा यस अघि नै अमेरिकामा बसोवास गर्न थालिसकेका छन् ।
नेपालमा मन्त्री वा दलको पद हत्याउन नेपाली नेताहरुलाई दिल्लीको आर्शिवाद चाहिन्छ भन्ने हल्ला नेपाली बजारमा पुरानै हो । तर पछिल्लो समय अमेरिका पुगेपछि मात्र सफल कलाकार भएको अभिनेत्रीहरुले ठान्न थालेका छन् ।