नवलपरासी, १ साउन । पूर्वपश्चिम राजमार्ग अन्तर्गत नवलपरासीको दाउन्ने उकालोमा शुक्रबार बिहान गाडी दुर्घटना हुँदा ८ जनाको ज्यान गएको छ । इलाका प्रहरी कार्यालय दुम्किबासले दिएको जानकारी अनुसार पश्चिमबाट पूर्वतर्फ जांदै गरेको यु पी ३२ डि एन ०८५४ नम्बरको भारतीय नम्बर प्लेटको ट्यांकरले नारायणगढबाट दाङका लागि छुटेको बसलाई ठक्कर दिंदा आठ जनाको ज्यान गएको छ ।

गम्भीर घाइते दुई जनाको उपचारका लागि अस्पताल लैजाँदै गर्दा बाटोमा नै ज्यान गएको इलाका प्रहरी कार्यालय कावासोतिका डिएसपी परशुराम तिवारीले जानकारी दिए । ज्यान गुमाउने सबै गाडीका यात्रु भएको प्रहरीले जनाएको छ । दुर्घटनामा ज्यान गुमाउनेको संख्या बढ्ने सक्ने आशंका गरिएको छ । ज्यान गुमाएका ८ जनाको नाम ठेगाना खुल्न सकेको छैन । उकालोमा दुर्घटना भएकाले उद्धारमा समेत कठिनाई भएको प्रहरीले जनाएको छ ।