विश्वकप ट्वेन्टी–२० छनोट क्रिकेट प्रतियोगिताको चौथो खेलमा नेपालले आज बुधबार हङकङसँग खेल्दैछ । खेल बेलफास्टमा नेपाली समय अनुसार बेलुका सात बजेपछि सुरु हुनेछ । टी-२० विश्वकपमा छनोट हुने सम्भावना कायम राख्न नेपाललाई आज जित चाहिएको छ । हारले भने प्रतियोगिताबाटै बाहिर हुन सक्छ । पालले समूहको पहिलो खेलमा अमेरिकालाई हराएको थियो भने नामिबियाविरुद्धको दोस्रो खेल वर्षाले रद्द भएपछि एक–एक अंक बाँडेको थियो ।
आयोजक आयरल्यान्डविरुद्धको सोमबारको खेलमा फराकिलो अन्तरले पराजित भएसँगै प्रतियोगितामा नेपालको यात्रा धर्मराएको छ । समूहमा तीन खेलबाट ६ अंक जोडेको आयरल्यान्ड शीर्ष स्थानमा रहेको छ । २ खेलबाट ३ अंक जोडेको पपुवा न्यगिनी दोस्रो स्थानमा छ भने ३ खेलबाट समान ३–३ अंक जोडेका नामिबिया र नेपाल क्रमशः तेस्रो र चौथो स्थानमा रहेको छ ।