एजेन्सी । इन्डियन प्रिमियर लिग क्रिकेट प्रतियोगिता (आइपीएल)कै सर्वाधिक सफल टिम चेन्नाइ सुपरकिंग्स र पहिलो संस्करणको विजेता राजस्थान रोयल्स दुई वर्षका लागि निलम्बित भएका छन् । दुई वर्षअघिको आइपीएल फिक्सिङ मामलामा अन्तिम सुनुवाई गर्दै उच्च न्यायालयले दुबै टीमलाई सन २०१७ सम्मका लागि आइपीएलबाट निलम्बन गरिदिएको हो । यसका साथै कोर्टले आईसीसीका अध्यक्ष एन श्रीनिवासनका ज्वाइँ गुरुनाथ मयप्पन तथा राजस्थान रोयल्सका को(ओनर सिल्पा सेट्ठीका पति राज कुन्द्रालाई क्रिकेटबाट आजिवन प्रतिबन्ध लगाएको छ । मयप्पन र कुन्द्रा अब क्रिकेटसँग कुनै पनि रुपमा जोडिन पाउने छैनन् । चेन्नई कप्तान भारतीय कप्तान महेन्द्रसिंह धोनी समेत हुन् । चेन्नई र राजस्थान टीममा भारतका साथै अष्ट्रेलियासहितका देशका स्टार खेलाडी छन् ।