रियल लाइफकै प्रेम जोडी नायिका निता ढुङ्गाना र आमेश भण्डारीले अभिनय गरेको निर्देशक दिनेश डिसीद्धारा निर्देशित चलचित्र ‘फूलै फूलको मौसम तिमीलाई’ अब फागुन २१ गते देखि अल नेपाल प्रदर्शनमा आउने भएको छ । निर्देशक दिनेश डिसीले हामीसँगको कुराकानीमा भने -‘चलचित्र प्रदर्शन गर्न अनुकुलको बातावरण नभएका कारण हालसम्म सार्वजनिक गरिएको प्रदर्शन मितिमा चलचित्र प्रदर्शन गर्न सकिएन । तर अब चलचित्रलाई फागुन २१ गते नै प्रदर्शन गर्ने छौं ।’ उनले अगाडी भने -‘दशैंको अवसरमा ‘फूलै फूलको मौसम तिमीलाई’ को अमेरिकामा भव्य प्रिमियर शो समेत आयोजना गरिएको छ ।’ निता ढुङ्गाना र आमेश भण्डरीको मुख्य भूमिका रहेको यो चलचित्रमा पूर्ण प्रेम कथामा आधारित छ । निर्माता एवं निर्देशक डिसीले ‘फूलै फूलको मौसम तिमीलाई’ को प्रचार प्रसारलाई व्यापक गर्ने तयारी गरिरहेको बुझिएको छ । चलचित्रको हासम्म फष्टलुक बाहेक अन्य कुनै पनि दृश्य सार्वजनिक गरिएको छैंन । प्राप्त खबर अनुसार अब चाडैं चलचित्रको ट्रेलर, गीतहरु सार्वजनिक हुनेछ ।