बलिउड चलचित्रकी नायिका स्वरा भास्करलाई एक इटालियन चलचित्रबाट अफर आएको छ । चलचित्र तनु वेड्स मनुमा अभिनय गरिसकेकी उनलाई इटालियन चलचित्र लैला वाडियाको एक इटालिएन उपन्यासमा आधारित कमेडी चलचित्रबाट अभिनय गर्ने अफर आएको बताइएको छ । बलिउडका सुपरस्टार सलमान खान अभिनित चलचित्र प्रेम रतन धन पायोमा अभिनय गरिरहेकी उनलाई यो अफर आउनु निकै ठुलो उपलब्धि भएको भारतीय सञ्चारमाध्यमहरुले जनाएका छन् । २७ वर्षकी यी नायिकाले गुरारिस, राञ्झना, चिल्ली पार्टी जस्ता केही फिल्महरुमा अभिनय गरिसकेकी छिन्। बिहारी परिवरमा हुर्किएकी नायिका स्वरा भास्करले चलचित्र प्रेम रतन धन पायोको छायांकन सकिएपछि इटालियन चलचित्र खेल्ने मनसाय बनाएकी छिन् ।