पहिलो एल्बम ‘टिनेज गर्ल’ बजारमा ल्याएपछि निकै चर्चा कमाएकी गायिका रमिता भण्डारीले ‘प्ले इट’ नामक दोस्रो एल्बम बजारमा ल्याएकी छिन् । केहि दिन अगाडी उक्त एल्बमको विमोचन गर्दै रमिताले पहिलो एल्बममा समाबेश गीतहरु झै आफ्नो दोस्रो एल्बममा रहेका गीतहरुलाई पनि दर्शक, स्रोताले मनपराउने बताइन । रक, पप शैलीमा सेमिटिएको सो एल्बममा जन्म राई, इलेभेन थटी बसन र गायिका स्वयंको शब्द तथा संगीत रहेको उक्त एल्बममा ६ वटा गीत समावेस गरेका छन् । उनले यस एल्बमको २ वटा म्यूजिक भिडियो विभिन्न टेलिभिजन तथा यू–ट्यूव मार्फत सार्वजनिक भईसकेको बताईन् । गायिका भण्डारीले युवा लक्षित एल्बमको बिक्रि वितरणबाट संकलित रकम भूकम्पपीडितको सहयोगमा खर्च गरिने बताईन । उनी गायिकाको रुपमा मात्र नभई मोडल, भिजे तथा कोरीयोग्राफरको रुपमा पनि परिचित छिन् । कथा, कविता, गीत लेखनमा समेत रुची राख्ने उनले छिट्टै नै आफ्नो रचनाको संगालो प्रकाशनमा ल्याउने तयारीमा रहेको बताइन् ।