मलेसियामा एक नेपालीको मोटरसाइकल दुर्घटनामा मृत्यू भएको छ। १२ वर्षदेखि मलेसियामा कार्यरत मोरङको हरैचा ४ घर भएका गोपाल कोराइलाको दुर्घटनामा परि ज्यान गएको हो । शनिवार रातको १२ बजे आफ्नै रेस्टुरेन्टबाट मोटरसाइकलमा बजार जाने क्रममा बिजुलीको पोलमा ठोक्किँदा कोइरालाको ज्यान गएको मृतकका भाइ योगेन्द्र कोइरालाले जानकारी दिनुभएको छ । उहाँका अनुसार घटनापछि तत्त्कालै उपचारका लागि नजिकैको अस्पतालमा लगिएको तर अस्पताल लैजाने क्रममै ज्यान गएको हो । उनको शब पोस्टमार्टमका लागि सुल्तान अस्पताल जोहोरमा राखिएको छ। गोपाल जोहोर राज्यको बातुपाहतमा रहेको पिउड फर्निचर कम्पनीमा कार्यरत थिए। कम्पनीले भिसा नलगाइदिएपछि बिगत दुई वर्षदेखि उनी अबैधानिक रुपमा कार्यरत थिए।