राष्ट्रिय खबर
ललितपुर, १८ असार । ललितपुर उपमहानगरपालिका–२ सानेपामा निजी जग्गामा आफैँ उम्रिएका गाँजा तथा भाङका विरुवा प्रहरी तथा स्थानीय बासिन्दाले शुक्रबार बिहान संयुक्तरूपमा नष्ट गरेका छन् । महानगरीय प्रहरी प्रभाग बल्खुको सक्रियतामा प्रभागका सुरक्षाकर्मी तथा स्थानीय बासिन्दा मिलेर करिब दुई रोपनी जग्गामा उम्रिएका गाँजा तथा भाङका विरुवा नष्ट गरिएका हुन् ।
प्रहरी प्रभागका प्रमुख प्रहरी नायब निरीक्षक कृष्णप्रसाद सिटौलाले खेती नगरिएको निजी जग्गा तथा सडक वरपर आफैँ उम्रिएका गाँजा तथा भाङका विरुवा स्थानीय बासिन्दाकै सहयोगमा नष्ट गरिएको बताए । रासस
प्रतिक्रिया