सम्राट सिंह
बझाङ, १४ असार । जिल्लाको काँडा गाविसको यार्सा टिप्ने स्थान श्यानबन र चाल्लावन बाट यार्सा टिपेर घर फर्किने बेला अप्ठ्यारो वाटोवाट चिप्लेर सेती नदीमा खस्दा चार जनाको बेपत्ता भएको छ । आईतवार धुलीभन्दा माथी श्यामबनमा सेती नदीमा खसेर कैलाशका ४ जना बेपत्ता भएका प्रहरीले जनाएको छ । कैलास १ घर भएका बर्ष २५ का महेस सिंह, सोही गाउँका बर्ष ४० का सुन्ते शाही,कैलास ४ घर भएका बर्ष २८ का सुवन सिंह र कैलाश ६ घर भएका बर्ष ४० का डम्बर बहादुर सिंह बेपत्ता भएको टोलीसँगै रहेका सुरेस सिंहले बताए ।
गत महिनामा कैलास गाविसबाट स्थानिय २१ जनाको टोली बनाएर यार्सा टिप्न लेकतिर गएका थिए । टोलीमा रहेका कैलास ७ घर भएका सुरेस सिंहले टेलिफोन मार्फत प्रहरीलाई जानकारी गराएपछि प्रहरीको टोली घटना स्थल तर्फ गएको प्रहरी निरिक्षक कमल बिष्टले जानकारी दिए ।