इङल्याण्ड र क्यानडा महिला विश्वकप फुटबलको क्वाटरफाइनलमा प्रतिस्पर्धा गर्ने भएका छन् । मंगलबार बिहान सम्पन्न खेलमा नर्वेलाई २–१ ले पराजित गर्दैै इङल्याण्डले क्यानडासँगको भेट पक्का गरेको हो । खेलमा पहिले अग्रता लिएको नर्वेले त्यसलाई कायम राख्न नसक्दा पराजित भएको हो । ५४ औं मिनेटमा सोल्भेइ गोब्रान्सेनले गोल गर्दै नर्वेलाई सुरुवाती अग्रता दिलाएकी थिइन् । त्यसको सात मिनेटपछि इङल्याण्डका लागि स्टेफ होटनले बराबरी गोल गरिन् भने ७६ औं मिनेटमा ब्रन्जले गोल गरेपछि इङल्याण्डले नर्वेले पन्छाएको हो ।
इङल्याण्डले सेमिफाइनल प्रवेशका लागि आइतबार आयोजक क्यानडासँग प्रतिस्पर्धा गर्नेछ । क्यानडा सोमबार बेलुका भएको खेलमा स्वीजरल्याण्डलाई १–० ले पराजित गर्दै क्वाटरफाइनलमा प्रवेश गरेको हो ।