काठमाडौं,७ असार । नमस्ते नेपाल हातेमालो सामाजिक संस्थाले ताप्लेजुङका अग्निपिडीतका लागि संकलन गरेको रकम सोमबार हस्तान्तरण गरेको छ । विदेशी भूमिमा कमाएको रकमको केही प्रतिशत काटेर संस्थाले एक समारोहका बिच सभासद्द्धय सूर्यमान गुरुङ र राजु खनाललाई नगद एक लाख रुपैयाँ हस्तान्तरण गरेको हो । हस्तान्तरण गरिएको रकम बुझ्दै ताप्लेजुङ क्षेत्र नं. १ का सभासद् सूर्यमान गुरुङले समाजमा स्थापित भएका सामानिक संघसंस्थाले सामाजिक सेवाको रुपमा सञ्चालन गरिएको कार्य अत्यन्त सराहनिय भएको बताए । उनले तोक्मे डाँडा, फुङलिङ बजारका पिडितको घाउमा मल्हम लगाएकोप्रति आभार व्यक्त गरे । कार्यक्रममा सभासद् राजु खनालले संस्थाले हस्तान्तरण गरेको रकम छिट्टै ताप्लेजुङका पिडितहरु समक्ष पुर्याउने बताए । कार्यक्रममा बोल्दै नमस्ते नेपाल हातेमालो सामाजिक संस्थाका केन्द्रीय सदस्य गणेश जीसीले भुकम्पबाट अतिप्रभाविपत भएका विभिन्न जिल्लाहरुमा राहत सामग्री वितरण गरेको जानकारी गराए ।