युनियनले पत्रकार छनौटका लागि अध्यक्ष चक्र महताको संयोजकत्वमा तीन सदस्यीय समिति गठन गरेको छ । युनियनका सचिव केशव साउँदले समितिले छनौट गरेका आधारमा अधिवेशन उदघाटन समारोहमा सम्मान गरिने बताए  ।

युनियनको तीन वर्षे आगामी नेतृत्वका लागि पाँच जना प्रतिस्पर्धी देखिएका छन् । अध्यक्षमा आकांक्षी बढी देखिएपछि अहिलेदेखि नै सर्वसम्मत नेतृत्व चयनको प्रयत्न थालिएको छ ।
वर्तमान अध्यक्ष महता, उपाध्यक्ष दमन चन्द, हरिश भट्ट लगायतले आकंक्षा देखाएका छन् । युनियनले जेठ १३ गतेसम्म आफ्ना सबै साधारण सदस्यहरुको सदस्यता नवीकरण गराउने निर्णय गरेको छ ।
सरकारका प्रवक्ता तथा सूचना तथा सञ्चार मन्त्री डाक्टर मीनेन्द्र रिजालले अधिवेशन उद्घाटन गर्ने सचिव साउँदले बताए ।