राष्ट्रिय खबर
एजेन्सी । पाँचौ तथा अन्तिम म्याचमा न्युजिल्याण्डलाई पराजित गर्दै इङल्याण्डले वान डे क्रिकेट सिरिज जितेको छ । बर्षाले प्रभावित पाँचौं वान डेमा इङल्याण्डले ३ विकेटको जित हात पार्यो । टस हारेर व्याटिङ गरेको न्युजिल्याण्डले २ सय ८३ रनको योगफल बनाएको थियो तर बर्षाले खेल प्रभावित भएपछि इङल्याण्डले १ सय ९२ रनको लक्ष्य पाएको थियो ।
उक्त लक्ष्य भेट्टाउने क्रममा इङल्याण्डका लागि जोनी बेरस्टोवले ८३ रनको योगदान गरेका थिए । शुरुवाती व्याट्सम्यानले उल्लेख्य प्रदर्शन गर्न नसकेपनि उनको योगदानमा इङलिस टोलीले २५ ओभरमा ७ विकेट गुमाएर लक्ष्य भेट्टाएको हो । जितपछि उसले ५ म्याचको सिरिज ३–२ ले जित्यो ।
प्रतिक्रिया