राष्ट्रिय खबर
विराटनगर, ०२ असार । मोरङको विराटनगरबाट लागुऔषध सहित दुई जनालाई पक्राउ गरेको छ । विराटनगर २१ स्थित जोगबनी नाकाबाट सशस्त्र प्रहरी बलको टोलीले लागुऔषध सहित दुई युवकलाई पक्राउ गरेको हो ।
भन्सार कार्यालयको २ नम्बर ढाटमा सुरक्षा चेकजाँचमा खटिएका सशस्त्र प्रहरीले कोशी–हरैचा नगरपालिका ६ का अभिषेक राई र बेलबारी नगरापालिका ४ का २० वर्षका भुपेन्द्र राईलाई पक्राउ गरेका हुन् ।
पक्राउ परेका उनीहरुको साथबाट १७ एम्पुल एभिल, १७ एम्पुल लुपिजेसिक र १७ एम्पुल डाइजेल्याब बरामद गरिएको प्रहरीले जनाएको छ । बरामद लागुऔषध सहित दुवैलाई इलाका प्रहरी कार्यालय रानीमा राखिएको छ ।
प्रतिक्रिया