दुई दिनको कार्यक्रमको निहुँमा मन्त्रीले साताभन्दा बढीको समय घुमफिरमा बिताएको मन्त्रालयकै एक अधिकारीले जानकारी दिए। ‘उहाँ यस्तो बेला पनि विदेशमा रमाइरहनुभएको छ,’ ती अधिकारीले भने। मन्त्री यादव प्रधानमन्त्रीको निर्देशन अटेर गर्दै पहिलोपटक जेठ ४ गते युनेस्कोको कार्यक्रममा भाग लिन कोरिया गएकी थिइन्। त्यसलगत्तै चीन। भ्रमणमा उनका पति डा. श्रीकृष्ण यादव र छोरी थिए।

विदेशी दातृ निकायले मन्त्रीज्यूको मात्र विदेश भ्रमणको निमन्त्रणा दिने गरेको भए पनि उहाँले आफ्ना निकट सहसचिवमार्फत श्रीमान, छोरा वा छोरीको समेत टिकटको निःशुल्क व्यवस्था गराइदिन भन्न लगाउने गर्नुभएको छ,’ मन्त्रालयका एक अधिकारीले भने, ‘नजिकका सहसचिवज्यूहरुले मन्त्रीको निर्देशन पालना गर्नैपर्छ। त्यही भएर मन्त्रीज्यूको हरेक विदेश भ्रमणमा श्रीमान, छोराछोरी साथमा हुन्छन्।’