काठमाडौं, २१ जेठ । विनाशकारी भूकम्पपछि पीडितको खोज, उद्धार र राहत वितरण गर्न आएका विदेशी सेनासहितका सबै हेलिकोप्टरले आजदेखि नेपाल छोड्ने भएका छन् । भारतका सबै हेलिकोप्टर आज फर्किदैछन् । भारतीय सेनाका ६९ र क्यानेडियन सेनाका सातजना काठमाडौंमा छन् ।

सैनिक प्रवक्ता सहायकरथी जगदीशचन्द्र पोखरेलले विदेशी सैनिक र हेलिकोप्टर फर्कने क्रममा रहेको बताए । धेरैजसो आज फर्किने र यो हप्तामा सबै फर्किसक्ने उनले जानकारी दिए । भारतीय सेनाका हेलिकोप्टरमध्ये आठवटा फर्किसकेको र ६ वटा फर्किने क्रममा रहेको उनले बताए । भारतले १२ वैशाखमै पठाएकामध्ये तीन एमआई १७ र तीनवटा एएलएच ध्रुव हेलिकोप्टर आज स्वदेश फर्किँदै छन् । क्यानेडियन सेनाका सातजनालभोलि स्वदेश फर्किने जानकारी सैनिक मुख्यालयलाई गराएका छन् ।