काठमाडौं, २० जेठ । किरात राई पत्रकार संघले वरिष्ठ पत्रकार चुनबहादुर गुरुङलाई आर्थिक सहयोग गरेको छ । किरात राई पत्रकार संघ अध्यक्ष दीपेन्द्र राईले वरिष्ठ पत्रकार गुरुङलाई ११ हजार रुपैया“ आर्थिक सहयोग हस्तान्तरण गरेका हुन् । एकलाई दुःख पर्दा अर्का पत्रकारले सघाउनु मानवीय दायित्व भएकाले आदिवासी जनजाति समुदायका अग्रज पत्रकार गुरुङलाई आर्थिक सहयोग गरेको संघ अध्यक्ष राईले बताए । आर्थिक सहयोग ग्रहण गर्दै पत्रकार गुरुङले सञ्चारकर्मीले वर्षमा एकपटक स्वास्थ्य जा“च गराउन सुझाए । उनले सञ्चारकर्मीलाई मात्रै नभएर जोकोहीस“ग भेटघाट हुँदा बर्सेनि स्वास्थ्य जाँच गराउन आग्रह गरेको बताए ।

वरिष्ठ पत्रकार गुरुङको भारतको एपोलो अस्पतालबाट मिर्गाैला प्रत्यारोण गरिएको हो । करिब दस वर्ष सक्रिय पत्रकारिता गरेका उनी ज्वाला साप्ताहिकका प्रकाशक तथा सम्पादक हुन् ।  किरात राई पत्रकार संघ महासचिव प्रकाश खालिङले पत्रकार गुरुङको स्वास्थ्यलाभको कामनासहित गुरुङको आगामी दिन झन् सक्रिय बनोस् भन्दै शुभकामना दिएका थिए ।