पोखरा, १९ जेठ । जोमसोमबाट पोखरा आउंदै गरेको गोमा एयरको ९ एन-ए-के विमान पोखरा विमानस्थलमा ठूलो दुर्घटना हुनबाट जोगिएको छ। जहाजको अघिल्लो चक्का धावनमार्गमा नखुलेपछि जहाज चिप्लिन पुगेको थियो । विमान चिप्लिएपछि धावनमानर्गको सेन्ट्रल लाइनमै अड्किएको छ । विमानको अघिल्लो भागमा सामान्य क्षति छ । ल्याण्ड गर्नेक्रममा इण्डिकेटरले संकेत गरे पनि जहाजको चक्का नखुलेको विमानका पाइलटलाई उद्घृत गर्दै पोखरा विमानस्थलका प्रमुख इमनाथ अधिकारीले जानकारी दिए । विमानमा चालक दलका सदस्यसहित १८ जना यात्रु थिए।

एक साता अघिदेखि मात्रै उडान भरेको सो विमान दुर्घटनामा परेपछि अहिले पोखरा विमानस्थलमा अहिले कुनै पनि उडान हुन सकेको छैन । पोखरा विमानस्थल वरपर सर्वसाधारणको ठूलो भीड छ। केही दिनअघि कालीगण्डकी थुनिएर बेनी–जोमसोम सडकखण्ड भत्किएपछि यतिखेर पोखरा–जोमसोममा हवाई उडान व्यस्त छन्।